မဖွယ်မရာ နှောင့်ယှက်ခံရသည့် ဆရာမငါးဦး စာပြန်သင်ရန် ဖိအားပေးခံရ
ပန်းတောင်းမြို့နယ်၊ ကိုင်းကြီးအုပ်စု၊ ပိန္နဲခုံကျေးရွာ အလယ်တန်းကျောင်းတွင် အောက်တိုဘာလ ဒုတိယပတ်အတွင်းက ကျောင်းဆရာမ ငါးဦး နေရပ်ပြန်စဉ် မဖွယ်မရာ ညစ်ညမ်းစာများ ရေးသားခံရခြင်းနှင့် အတွင်းခံ အသုံးအဆောင်များ ဖျက်ဆီးခံရသည့်အတွက် ကျောင်းသို့ ပြန်မသွားလိုသော်လည်း ယင်းကျောင်း၌ တာဝန်ပြန်ထမ်းဆောင်ရန် ဖိအားပေးခံနေရကြောင်း အဆိုပါဆရာမများက ပြောကြားသည်။
ပြည်၊ အောက်တိုဘာ ၃၁
ပန်းတောင်းမြို့နယ်၊ ကိုင်းကြီးအုပ်စု၊ ပိန္နဲခုံကျေးရွာ အလယ်တန်းကျောင်းတွင် အောက်တိုဘာလ ဒုတိယပတ်အတွင်းက ကျောင်းဆရာမ ငါးဦး နေရပ်ပြန်စဉ် မဖွယ်မရာ ညစ်ညမ်းစာများ ရေးသားခံရခြင်းနှင့် အတွင်းခံ အသုံးအဆောင်များ ဖျက်ဆီးခံရသည့်အတွက် ကျောင်းသို့ ပြန်မသွားလိုသော်လည်း ယင်းကျောင်း၌ တာဝန်ပြန်ထမ်းဆောင်ရန် ဖိအားပေးခံနေရကြောင်း အဆိုပါဆရာမများက ပြောကြားသည်။
ယင်းသို့ဆရာမများကို အရှက်ရအောင် ပြုလုပ်ခဲ့သည့် ကျေးရွာစာသင်ကျောင်းသို့ ပြန်မသွားလိုသော်လည်း ပြန်မသွားပါက ဝန်ထမ်း စည်းမျည်း စည်းကမ်းများအရ အရေးယူခြင်း ခံရမည်ဟု ပဲခူးတိုင်း စည်ပင်သာယာရေးနှင့် လူမှုရေးဝန်ကြီး ပြောဆိုခဲ့ကြောင်း ပန်းတောင်းမြို့နယ်၊ ပိန္ဒဲခုံကျေးရွာ စာသင်ကျောင်းမှ ဆရာမများက ပြောကြားသည်။
ပန်းတောင်းမြို့နယ်၊ ကိုင်းကြီးအုပ်စု၊ ပိန္ဒဲခုံကျေးရွာ အလယ်တန်းကျောင်းတွင် အောက်တိုဘာလ ၁၄ ရက်နေ့နှင့် ၁၅ ရက်နေ့တို့က ကျောင်းပိတ်ရက် အိမ်ပြန်သွားခဲ့သည့် ဆရာမလေး ငါးဦး၏ အခန်းတွင်း၌ အတွင်းခံနှင့် အသုံးအဆောင်များကို ဖျက်ဆီးခြင်း၊ ညစ်ညမ်းစာနှင့် ပုံများ ရေးဆွဲထားခြင်း၊ ကျောင်းသုံးစာအုပ်များတွင်လည်း ညစ်ညမ်းစာပုံများ ရေးဆွဲခဲ့ခြင်းကို ကြုံတွေ့ခဲ့ရကြောင်း ၎င်းတို့က ပြောဆိုသည်။
အဆိုပါ ကိစ္စနှင့်ပတ်သက်၍ ဆရာမလေးများက သက်ဆိုင်ရာသို့ အသိပေး တိုင်ကြားခဲ့ပြီး ကျောင်းသို့ ပြန်လည် တာဝန်ထမ်းမဆောင်ရဲသည့်အတွက် ပြည်မြို့၊ သရေခေတ္တရာခန်းမတွင် အောက်တိုဘာလ ၃၀ ရက်နေ့ ညနေက ပဲခူးတိုင်း စည်ပင်သာယာရေးနှင့် လူမှုရေးဝန်ကြီး ဦးမောင်မောင်လွင် အပါအဝင် အုပ်ချုပ်ရေးမှူးနှင့် ဆရာ၊ ဆရာမများအကြား ညှိနှိုင်းဆွေးနွေးခဲ့ခြင်းဖြစ်သည်။
“တွေ့ဆုံတဲ့အခါမှာ တရားခံတွေအကြောင်းလည်း တစ်ခွန်းမှ မပြောဘူး။ ပညာရေးဝန်ထမ်း ဖြစ်တဲ့အတွက် ပြန်လွှတ်တယ်။ သွားရမယ်။ မသွားရင် ဝန်ထမ်း စည်းမျဉ်းနဲ့ အရေးယူမယ်ပဲ ပြောတယ်”ဟု ဆရာမ ဒေါ်စံပယ်ခိုင်က ဆိုသည်။
အဆိုပါ ပန်းတောင်းမြို့နယ် ကိုင်းကြီးအုပ်စု ပိန္ဒဲခုံကျေးရွာသည် ပန်းတောင်းမြို့မှ သုံးနာရီခန့် ဆိုင်ကယ်ဖြင့် သွားရပြီး ဆိုင်ကယ် ရပ်နားကာ မိနစ်လေးဆယ်ခန့် လမ်းလျှောက်သွားရ၍ သွားလာရခက်ခဲကြောင်း ဒေသခံများထံမှ သိရသည်။
ယင်းသို့ မဖွယ်မရာ ရေးသားခံရခြင်းနှင့် အသုံးအဆောင်များ ဖျက်ဆီးခံရခြင်းတို့ကြောင့် (ပ) ၁၈၆/၂၀၁၇၊ ပုဒ်မ ၄၅၁၊ ၄၂၇၊ ၅၀၉ ၊၂၉၂တို့ဖြင့် ဥသျှစ်ပင် တိုက်နယ်ရဲစခန်းတွင် အမှုဖွင့်ထားကြောင်း အဆိုပါ စခန်းထံမှ စုံစမ်းသိရှိရသည်။
ဖြစ်စဉ်နှင့် ပတ်သက်၍ အဓိကဆုံး ဖြတ်ပေးရန်မဟုတ်ဘဲ ညှိနှိုင်းပေးခြင်းဖြစ်ကာ ကျေးရွာနှင့် မြို့နယ် အုပ်ချုပ်ရေးပိုင်း တာဝန်ရှိသူများကလည်း တာဝန်ယူပေးမည်ဟု ပြောဆိုထားကာ အာမခံချက်လည်း ပေးထားကြောင်း ပဲခူးတိုင်း စည်ပင်သာယာရေးနှင့် လူမှုရေးဝန်ကြီး ဦးမောင်မောင်လွင်က ပြောကြားသည်။
“လုပ်သွားတာကလည်း ကလေးမကျ လူကြီးမကျ ၁၂ နှစ်အရွယ် ကလေးတွေဖြစ်နေတယ်။ တမင် ရည်ရွယ်ချက် ရှိရှိလည်း မဟုတ်ပါဘူး။ ဒီစာသင်နှစ်ကို ကလေးတွေ မျက်နှာငဲ့ပြီး ပြန်သွားပေးဖို့ပါ။ မေတ္တာရပ်ခံတာပါ။ ဒီစာသင်နှစ် ပြီးရင် သူတို့အတွက် တစ်ခုခု စီစဉ်ပေးမှာပါ”ဟု ဝန်ကြီးက ဆိုသည်။
သနပ်ပင်မြို့တွင်လည်း အလားတူ ဖြစ်ရပ်မျိုး ဖြစ်ပွားထားဖူးပြီး အုပ်ချုပ်ရေးပိုင်း၏ လုံခြုံရေး အာမခံချက် တာဝန်ယူမှုဖြင့် ပြန်လည် ပို့ထားရကြောင်း ၎င်းက ဆက်လက် ပြောကြားသည်။
Comments