ယေဘုယျသတင်းများ

မုံရွာမှ နှစ်လောင်းပြိုင် လူသတ်မှု ကျူးလွန်သူကို သေဒဏ်ချ

 

 

စစ်ကိုင်းတိုင်းဒေသကြီး၊ မုံရွာမြို့တွင် လွန်ခဲ့သည့် တစ်နှစ်ခန့်က ဖြစ်ပွားခဲ့သည့် နှစ်လောင်းပြိုင် လူသတ်မှုမှ ကျူးလွန်သူကို မုံရွာခရိုင်တရားရုံးက အောက်တိုဘာလ ၃၀ ရက်နေ့ နေ့လယ်တွင် သေဒဏ်နှင့် ထောင်ဒဏ်များ ကျခံစေရန် အမိန့် ချမှတ်ခဲ့ကြောင်း ခရိုင်တရားရုံးမှ စုံစမ်းသိရှိရသည်။

မုံရွာ၊ အောက်တိုဘာ ၃၀ 

စစ်ကိုင်းတိုင်းဒေသကြီး၊ မုံရွာမြို့တွင် လွန်ခဲ့သည့် တစ်နှစ်ခန့်က ဖြစ်ပွားခဲ့သည့် နှစ်လောင်းပြိုင် လူသတ်မှုမှ ကျူးလွန်သူကို မုံရွာခရိုင်တရားရုံးက အောက်တိုဘာလ ၃၀ ရက်နေ့ နေ့လယ်တွင်  သေဒဏ်နှင့် ထောင်ဒဏ်များ ကျခံစေရန် အမိန့် ချမှတ်ခဲ့ကြောင်း ခရိုင်တရားရုံးမှ စုံစမ်းသိရှိရသည်။ 

ပြီးခဲ့သည့် ၂၀၁၆ ခုနှစ်၊ နိုဝင်ဘာလ ၂၂ ရက်နေ့က မုံရွာခရိုင်တရားရုံးတွင် ရာဇသတ်ကြီးပုဒ်မ ၄၅၈/ ၃၀၂/ ၃၉၂ ဖြင့် တရားစွဲဆိုခံရသူ ကောင်းကောင်း (ခ) ကောင်းခန့်သော် ၂၀ နှစ်သည် ၂၀၁၆ ခုနှစ်၊ အောက်တိုဘာလ ၂၇ ရက်နေ့က အင်းရွာသစ် ရပ်ကွက်နေထိုင်သူ ဇနီးမောင်နှံနှစ်ဦး၏ နေအိမ်အတွင်း ညအချိန် အကြံအစည်ဖြင့် ဝင်ရောက်သတ်ဖြတ်ကာ ပစ္စည်းများ လုယက်ခဲ့သည့်အတွက် ပုဒ်မသုံးခုအတွက် သေဒဏ်အပြင် အလုပ်နှင့် ထောင်ဒဏ် ၁၄ နှစ်၊ အလုပ်နှင့် ထောင်ဒဏ် ၁၀ နှစ်စီ သီးခြားစီ ကျခံစေရန် မုံရွာခရိုင်၊ ဒုတိယခရိုင် တရားသူကြီး ဒေါ်ရွှေအုန်းမြင့်က ချမှတ်ခဲ့ခြင်းဖြစ်ကြောင်း မုံရွာခရိုင်တရားရုံး၏ သတင်းပြန်ကြားရေး အရာရှိလည်းဖြစ်သူ ဒုတိယခရိုင် တရားသူကြီး ဦးကြည်မင်းစိုးက ပြောကြားသည်။

အဆိုပါ အသတ်ခံရသည့် ဇနီးမောင်နှံသည် မူးယစ်ဆေးဝါး ရောင်းဝယ်သူများ ဖြစ်ကြောင်း၊ လူသတ်မှု ကျူးလွန်သူ ကောင်းကောင်း (ခ) ကောင်းခန့်သော်သည် ၎င်းတို့ထံမှ မူးယစ်ဆေးကို အကြွေးဝယ်ယူကာသုံးစွဲပြီး ၎င်းတို့က အကြွေး ပြန်တောင်းသည်ကို မကျေနပ်သည့်အတွက် ယင်းသို့ သတ်ဖြတ်ခြင်းဖြစ်ကာ ယင်းနေ့က ရွှေထည်ပစ္စည်းများနှင့် ငွေကြေးများကိုလည်း လုယက်ယူဆောင် ထွက်ပြေးခဲ့ကြောင်း မုံရွာ အမှတ် ၂ ရဲစခန်းထံမှ စုံစမ်း သိရှိရသည်။