ဖွားဖက်တော် ရွှေအိုးကြီး (၄) လုံးဟာ ကပိလဝတ်ပြည်မှာ တကယ်ပေါ်ခဲ့တာလား
ဗုဒ္ဓရဲ့ဖွားဖက်တော်ခုနှစ်ပါးထဲမှာ ရွှေအိုးကြီး (၄) လုံးတောင် ပါပါတယ်။ ဘုရားရှင်မွေးဖွားတာနဲ့တစ်ချိန်တည်း ရွှေအိုးကြီး (၄) လုံးဟာ နန်းတော်ထဲက ပေါ်လာတာနော်။ ကဲ . . . ရွှေအိုးကြီး (၄) လုံးက ဘယ်လောက်တောင်ကြီးလဲ။ သင်္ဃဆိုတဲ့ ရွှေအိုးကြီးက တစ်ဂါဝုတ်။ ဧဠဆိုတဲ့ ရွှေအိုးက ယူဇနာဝက်။ ဥပ္ပလဆိုတဲ့ ရွှေအိုကြီးက သုံးဂါဝုတ်။ ပုဏ္ဏရိကဆိုတဲ့ ရွှေအိုးကြီးက တစ်ယူဇနာတောင်ရှိပါတယ်။ ရွှေအိုးကြီး (၄) လုံးရဲ့အစောက်က နှစ်သိန်းလေးသောင်းအထုရှိတဲ့မြေထုနဲ့အတူတူပင်။ ဂါဝုတ်တွေ ယူဇနာတွေက ဘယ်လောက်ဝေးလဲဆိုတာ ပြန်ကြည့်ရအောင်။
(၁၀) ဆံခြည် = (၁) နှမ်း
(၆) နှမ်း = (၁) မုယော
(၄) မုယော = (၁) လက်သစ်
(၈) လက်သစ် = (၁) မိုက်
(၂) မိုက် = (၁) ထွာ
(၂) ထွာ = (၁) တောင်
(၄) တောင် = (၁) လံ
(၇) တောင် = (၁) တာ
(၂၀) တာ = (၁) ဥဿဘ
(၂၀) ဥဿဘ = (၁) ကောသ
(၄) ကောသ = (၁) ဂါဝုတ်
(၄) ဂါဝုတ် = (၁) ယူဇနာ
၄၄၈ဝဝတောင် = ၁ယူဇနာ ။ ၃ပေ = ၂တောင် ။ ၁မိုင် = ၅၂၈ဝပေ ။ ၁ယူဇနာ = ၁၂.၇၂မိုင်
တကယ်တမ်းတွက်ရရင် ၁ယူဇနာမှာ ၁၂.၇၂မိုင် (၁၃မိုင်) ရှိပါတယ်။ ဒါပေမယ့် တချို့တွေက ဘုရားဟောထဲက တစ်ယူဇနာကို မိုင်နဲ့ပြန်တွက်ကြည့်တော့ ၈မိုင်ပဲရှိတာတွေ့ရပါတယ်။ ဒါ့ကြောင့်လည်း ၁ယူဇနာကို ၈မိုင်လို့ သတ်မှတ်ကြသလို ၁၃မိုင်လို့လည်း ပြောကြတာပါ။ ကဲ . . . ထားလိုက်တော့။ ရွှေအိုးကြီး (၄) လုံးဘက် ပြန်သွားရအောင်။
ရွှေအိုးကြီး (၄) လုံးရဲ့ပမာဏကို ပေါင်းလိုက်ရင် ၂ယူဇနာခွဲတောင်ရှိပါတယ်။ ဆိုလိုတာက မိုင်၃ဝလောက်ရှိတဲ့ ရွှေအိုးကြီးတွေသာ တကယ်ပေါ်ခဲ့ရင် အဲဒီခေတ်တုန်းက လူဦးရေအနည်းငယ်ပဲရှိတဲ့ ကပိလဝတ်ပြည်ရဲ့ နန်းတော်တွေ၊ တိုက်တာအဆောက်အဦးတွေနဲ့ လူနေအိမ်တွေဟာ ပျက်စီးသွားစရာပဲရှိပါတယ်။ တကယ်လို့ တကယ်ပေါ်ခဲ့ရင်တောင် ရွှေအိုးကြီး (၄)လုံးက ဒီလောက်ကြီးစရာ မရှိပါဘူး။
ဒါပေမယ့် ရွှေအိုးကြီး (၄) လုံးဟာ မြေပေါ်ကို ပေါလောကြီး ပေါ်လာတာ မဟုတ်ဘဲနဲ့ ဂေါတမဘုရားရှင်ရဲ့ ဒါနပါရမီတွေကြောင့် ဖြစ်ပေါ်လာရတယ်လို့ ဗုဒ္ဓနည်းကျတွက်ချက်ကြည့်လို့ရပါတယ်။ ဥပမာအားဖြင့် မြေကြီးထဲက ထွက်လာတဲ့ ရေနံ့၊ သဘာဝဓာတ်ငွေ့တွေကို လူသားတွေက မြေပြင်ပေါ်ကို သယ်ဆောင်ရာမှာ နေအိမ်အဆောက်အဦးတွေကို မပျက်စီးစေသလို ရွှေအိုးကြီး (၄) လုံးဟာလည်း နေအိမ်အဆောင်အဦးတွေကို မပျက်စီးခဲ့ပါဘူးလို့သာ ဆိုချင်ပါတယ်။
ကိုးကား ။ ။ အရှင်ကုမာရ (ပန်းတနော်) ၊ ဇိနတ္ထပကာသနီကျမ်း
Credit: ကျော်စိုးအောင် (အခရာ)
#
- Get link
- Other Apps
- Get link
- Other Apps
Comments