ပိန်ပါး သွယ်လျစေရန် နေတိုင်း စားသင့်သည့် အစာများ
ချောကလက်
မကြာသေးခင်က လေ့လာတွေ့ရှိချက်အရ ချောကလက် နေ့တိုင်းစားတဲ့ သူတွေဟာ ချောကလက် လုံးဝမစားတဲ့ သူတွေနဲ့ စာရင် အဆီကျ လှပပြီး ကိုယ် အလေးချိန် လျော့နည်းသွားတယ်လို့ သိရပါတယ်။ ဒါ့အပြင် ချောကလက်က စိတ်ခံစားချက် ကောင်းမွန်စေတဲ့ ဟော်မုန်းဆယ်ရီတိုနင် အဆင့်ကို မြင့်တက်စေတဲ့အပြင် ဦးနှောက်ရဲ့ အစာစားချင်စိတ် လှုံဆော်မှုကို လျော့နည်းနိုင်စွမ်းရှိတဲ့ ဒိုပါမင်း ဟော်မုန်းလည်း ထွက်စေနိုင်တယ်လို့ သိရပါတယ်။ ဒီတော့ ချောကလက် တစ်ထောင့်လောက်ဖြစ်ဖြစ် နေ့တိုင်းစားပြီး ကိုယ်အလေးချိန် ထိန်းနိုင်ပါပြီ။
ရေ
ရေများများ သောက်တာဟာ ခန္ဓာကိုယ် အသားအရေကို ကြည်လင်လှပစေတယ် ဆိုတာ သိပြီးသား ဖြစ်မှာပါ။ အသားအရေ စိုပြည်စေတဲ့အပြင် ရေသောက်များတဲ့ အခါ ဗိုက်ပြည့်ပြီး အစာများများ စားမိတာမှလည်း တားဆီးပေးတယ်လို့ သိရပါတယ်။ ရေအေး သောက်တဲ့အခါ ဇီဝရုပ် ဖြစ်ပျက်မှုကို မြန်ဆန်စေတဲ့အပြင် တစ်နေ့ခြောက်ခွက် ပုံမှန်သောက်ပါက ကယ်လိုရီ ၅၀ ယူနစ် လောင်ကျွမ်း စေတယ်လို့ လေ့လာသူတွေက ဆိုပါတယ်။ ရေသောက်တာအပြင် ရေဓာတ် ဖြည့်ပေးနိုင်တဲ့ အစားအစာတွေဖြစ်တဲ့ ဖရဲသီး၊ စတော်ဘယ်ရီသီး စတာတွေကိုလည်း စားပေးနိုင်ပါတယ်။
ထောပတ်သီး
ထောပတ်သီးမှာ အစာစားချင်စိတ်ကို ဖိနှိပ်နိုင်စွမ်းရှိတဲ့ ကျန်းမာတဲ့ အဆီတစ်မျိုး ပါဝင်တာကြောင့် သွေးတွင်းသကြားဓာတ်ကို လျှော့ချပြီး အစာခြေတဲ့ အခါမှာလည်း ခြောက်နာရီနည်းပါး ကြာမြင့်စေတဲ့အတွက် တော်ရုံ ဗိုက်ပြန်မဆာစေပါဘူး။ ဇီဝရုပ် ဖြစ်ပျက်မှုကို အားပေးတဲ့ အမိုင်နိုအက်စစ်တစ်မျိုး ဖြစ်တဲ့ L-carnitine ပါဝင်တာကြောင့်လည်း ခန္ဓာကိုယ်အတွက် အကျိုးရှိပါတယ်။ သင့်တင့်မျှတတဲ့ ရေဓာတ်၊ အမျှင်ဓာတ်နဲ့ အဆီဓာတ်တို့ ပါဝင်လို့ နေ့တိုင်း စားနိုင်ပါတယ်။
ကြက်ဥ၊ ဘဲဥ
မနက်စာကို ကြက်ဥကြော်၊ အပြုတ်၊ စတာတွေ စားပေးတာကြောင့် ပရိုတင်းဓာတ် ပြည့်ဝနေပြီး ညဘက် အဆီများတဲ့ အဆာပြေစာတွေ အများကြီး စားမိတာမှ ကာကွယ်ပြီးသား ဖြစ်စေတယ်လို့ ကျွမ်းကျင်သူတွေရဲ့ အဆိုအရ သိရပါတယ်။ မနက်စာ ကောင်းကောင်း စားတာဟာ တစ်နေ့တာလုံး စိတ်ခံစားချက် ကောင်းစေပြီး ကိုယ်အလေးချိန် လျှော့ချဖို့အတွက်လည်း ကူညီပေးနိုင်ပါတယ်။
ဟင်းနုနယ်
ဟင်းသီးဟင်းရွက်ကို ပုံမှန် စားပေးတာဟာ ခန္ဓာကိုယ်အတွက် ကောင်းမွန်ပါတယ်။ ဟင်းနုနယ်မှာ သံဓာတ် ပြည့်ပြည့်ဝဝ ပါဝင်ပြီး ကိုယ်တွင်းစွမ်းအင်အဆင့် မြင့်တက်စေကာ အဆီပိုလောင်ကျွမ်းအောင် ပြုလုပ်ပေးနိုင်ပါတယ်။ အမျိုးသမီးတွေ အနေနဲ့ တစ်နေ့ကို သံဓာတ် ၁၈ မီလီဂရမ် လိုအပ်ပြီး ဟင်းနုနယ် တစ်ပန်းကန်မှာ သံဓာတ် ၆ မီလီဂရမ် ပါဝင်တာကြောင့် နှစ်နပ်စားရုံနဲ့ လိုအပ်တဲ့ သံဓာတ် ပမာဏကို ဖြည့်တင်းပြီးသား ဖြစ်စေပါတယ်။
- Get link
- Other Apps
- Get link
- Other Apps
Comments