နိုင်ဂျီးရီးယားနှင့်ခြေစမ်းပွဲတွင် မက်ဆီ ပါဝင်မည်မဟုတ်ကြောင်း သတင်းထုတ်ပြန်၊ မက်ဆီထက် စီရော်နယ်ဒိုက ပိုကောင်းကြောင်း ဖာနန်ဒိုအလွန်ဆို ချီးကျူး

အာဂျင်တီးနားဘောလုံးအဖွဲ့ချုပ်သည် မနက်ဖြန်(အင်္ဂါနေ့)တွင် အာဂျင်တီးနားနှင့် နိုင်ဂျီးရီးယားတို့ ယှဉ်ပြိုင်ကစားမည့် နိုင်ငံတကာခြေစမ်းပွဲ၌ အာဂျင်တီးနားလက်ရွေးစင်အသင်း လူစာရင်းတွင် အသင်းခေါင်းဆောင် မက်ဆီ ပါဝင်လာလိမ့်မည်မဟုတ်ဟု သတင်းထုတ်ပြန်ထားပြီဖြစ်ကြောင်း Daily Mail က ဖော်ပြထားသည်။

မက်ဒရစ်၊ နိုဝင်ဘာ ၁၂

အာဂျင်တီးနားဘောလုံးအဖွဲ့ချုပ်သည် မနက်ဖြန်(အင်္ဂါနေ့)တွင် အာဂျင်တီးနားနှင့် နိုင်ဂျီးရီးယားတို့ ယှဉ်ပြိုင်ကစားမည့် နိုင်ငံတကာခြေစမ်းပွဲ၌ အာဂျင်တီးနားလက်ရွေးစင်အသင်း လူစာရင်းတွင် အသင်းခေါင်းဆောင် မက်ဆီ ပါဝင်လာလိမ့်မည်မဟုတ်ဟု သတင်းထုတ်ပြန်ထားပြီဖြစ်ကြောင်း Daily Mail က ဖော်ပြထားသည်။

မက်ဆီသည် အာဂျင်တီးနားက ရုရှားကို တစ်ဂိုး ဂိုးမရှိဖြင့် အနိုင်ရခဲ့သည့် ခြေစမ်းပွဲတွင် အာဂျင်တီးနားအတွက် ပွဲချိန် မိနစ် ၉၀ ပြည့် ပါဝင်ကစားပေးသွားခဲ့ပြီး နိုင်ဂျီးရီးယားနှင့် ခြေစမ်းပွဲကို ၎င်းတို့အနေနှင့် ရုရှားနိုင်ငံ ခရတ်စ်နိုဒါမြို့တွင် ယှဉ်ပြိုင်ကစားသွားရန် စီစဉ်ထားခြင်းဖြစ်ကြောင်းလည်း အာဂျင်တီးနားဘောလုံးအဖွဲ့ချုပ်က အသိပေးထားသည်။

မက်ဆီသည် နိုင်ဂျီးရီးယားနှင့် ယှဉ်ပြိုင်ကစားမည့်ပွဲစဉ်အတွက် ခရတ်စ်နိုဒါမြို့သို့ အာဂျင်တီးနားအသင်း ခရီးထွက်ခွာရာတွင် လိုက်ပါသွားခဲ့ခြင်း မရှိကြောင်း အာဂျင်တီးနားဘောလုံးအဖွဲ့ချုပ်က အတည်ပြုထားပြီဖြစ်ပြီး အာဂျင်တီးနားလက်ရွေးစင်အသင်းနှင့်အတူ မက်ဆီ လိုက်ပါမသွားခဲ့သည်မှာ ဒဏ်ရာပြဿနာကြောင့် မဟုတ်ဟုလည်း  အာဂျင်တီးနားဘောလုံးအဖွဲ့ချုပ်တာဝန်ရှိသူတစ်ဦးက ရှင်းပြသွားခဲ့သည်။

ရီးရဲလ်မက်ဒရစ်အသင်း၏ဂုဏ်ထူးဆောင်အဖွဲ့ဝင်တစ်ဦးအဖြစ် သတ်မှတ်ပေးခြင်းခံထားရသည့် ဖော်မြူလာဝမ်းပြိုင်ကားမောင်းသမား ဖာနန်ဒိုအလွန်ဆိုသည် မက်ဆီမှာ ပါရမီထူးချွန်သူတစ်ဦးဖြစ်သော်လည်း စီရော်နယ်ဒိုနှင့် နှိုင်းယှဉ်မည်ဆိုပါကမူ စီရော်နယ်ဒိုကသာလျှင် ပိုမိုသာလွန်ကြောင်း မှတ်ချက်ပေးသွားခဲ့ပြီး စီရော်နယ်ဒိုနှင့် မက်ဆီကို နှိုင်းယှဉ်မည်ဆိုပါက ၎င်းမှာ ရီးရဲလ်မက်ဒရစ်ပရိသတ်တစ်ဦးဖြစ်သည့်အတွက် စီရော်နယ်ဒိုဘက်ကသာ အမြဲရှိသွားမည်ဟုလည်း အလွန်ဆိုက ပြောကြားသွားခဲ့သေးသည်။

ဂရိကလပ် အေအီးကေအေသင်ထံတွင် ကစားသမားဘ၀ဖြတ်သန်းနေသည့် ဘာစီလိုနာနောက်ခံကစားသမားဟောင်း ချေဂရမ်းစကီးသည် စီရော်နယ်ဒိုမှာ အဆုံးသတ်သေချာသည့် တိုက်စစ်မှူးကောင်းတစ်ဦးဖြစ်သည်ကို လက်ခံသော်လည်း မက်ဆီနှင့် ယှဉ်ပါကမူ လိုအပ်ချက်များ ရှိနေကြောင်း၊ စီရော်နယ်ဒို၏အကြီးမားဆုံးသောချို့ယွင်းချက်မှာ တစ်ကိုယ်ကောင်းဆန်လွှန်းခြင်းပင် ဖြစ်ကြောင်း၊ မက်ဆီကမူ မိမိအကျိုးထက် အသင်းကောင်းကျိုးကို အမြဲဦးစားပေးသူဖြစ်ကြောင်း သုံးသပ်ထားပြီး ဘရာဇီးလက်ရွေးစင်အသင်းဂိုးသမားဟောင်း ဂျူလီယိုဆီဇာကလည်း လက်ရှိကမ္ဘာ့အကောင်းဆုံးကစားသမားမှာ နေမာဖြစ်ကြောင်း၊ သို့သော် မက်ဆီကမူ တခြားသော ဂြိုဟ်ကမ္ဘာတစ်ခုမှနေ၍ ကမ္ဘာမြေသို့လာရောက်ကာ ဘောလုံးကစားနေသူဖြစ်ကြောင်း ချီးကျူးထားသည်။