သရက်သီးအခွံ၏ လူသိနည်းလှသည့် ကျန်းမာရေး ကောင်းကျိုးများ

သရက်သီးအခွံ၏ လူသိနည်းလှသည့် ကျန်းမာရေး ကောင်းကျိုးများ

# Zawgyi Version ဖြင့် ဖတ်ပါ # 

သရက်သီး စားတဲ့အခါ အခွံကို လွှင့်ပစ်တတ်ကြပါတယ်။ သရက်သီးအခွံမှာ ကျန်းမာရေး ကောင်းကျိုးတွေများစွာ ရှိတယ်ဆိုတာ သိရှိပြီ ဆိုရင်တော့ လွှင့်ပစ်မိတာကို သင်နောင်တရကောင်း ရနိုင်ပါတယ်။ 

ခုခံစွမ်းအား ကောင်းမွန်စေတယ်  

သရက်သီး အခွံထဲမှာ အန်သိုဆိုင်ရာနင်နဲ့ ကယ်ရိုတီးနွိုက်တွေ အပြင် ဖိနောဒြပ်ပေါင်းလည်း များစွာ ပါဝင်ပါတယ်။ အန်သိုဆိုင်ရာနင်နဲ့ ကယ်ရိုတီးနွိုက်တွေက အင်တီအောက်ဆီးဒင့်တွေ ဖြစ်ပြီး သက်ရွယ်ကြီးရင့်မှုကို နှေးကွေးစေပါတယ်။ ကယ်ရိုတီးနွိုက်က ခုခံစွမ်းအားကို ကောင်းမွန်စေပြီး ခန္ဓာကိုယ်တွင်းသို့ ရောဂါပိုးတွေ ဝင်ရောက်မှု မရှိအောင် ကာကွယ်ပေးပါတယ်။ ဒီဒြပ်ပေါင်းတွေက အရိုးအဆစ် ရောင်ရမ်းနာ၊ ကင်ဆာ၊ ဆီးချိုသွေးချိုနဲ့ အယ်လ်ဇိုင်းမား ရောဂါတွေ မဖြစ်ပွားအောင်လည်း ကာကွယ်ပေးနိုင်ပါတယ်။ 

ဓာတ်တိုးပစ္စည်းတွေကို ဆန့်ကျင်ပေးတယ်  

သရက်သီးအခွံမှာ အင်တီအောက်ဆီးဒင့်တွေ များစွာပါဝင်ပြီး ခန္ဓာကိုယ်တွင်းမှ ဓာတ်တိုးပစ္စည်းတွေကို ဆန့်ကျင် တိုက်ထုတ် ပေးပါတယ်။ သရက်သီးအခွံမှာ ပါဝင်တဲ့ အင်တီအောက်ဆီးဒင့်က ရောဂါဖြစ်စေတဲ့ ဆဲလ်တွေ သူ့အလိုလို သေစေပြီး ဆဲလ်တွေမှာ ရောဂါဖြစ်ပွားမှုကို ထိန်းချုပ်ပေးပါတယ်။ အိန္ဒိယမှာ ပြုလုပ်တဲ့ လေ့လာမှုအရ သရက်သီးစားတဲ့အခါ အခွံကို ထည့်စားသူတွေက သက်ရှည် ကျန်းမာကြတာကို တွေ့ရပါတယ်။ 

ကင်ဆာရောဂါ မဖြစ်အောင် ကာကွယ်ပေးတယ်  

သရက်သီးအခွံက ကင်ဆာရောဂါကို ကာကွယ်နိုင်တဲ့ အာနိသင် ရှိပါတယ်။ သရက်ခွံမှာ ပါဝင်တဲ့ အင်တီအောက်ဆီးဒင့်က ကင်ဆာဆဲလ်တွေကို သူ့အလိုလို သေစေပြီး တခြားဆဲလ်တွေ အပေါ်လည်း လွှမ်းမိုးမှု ရှိပါတယ်။ 

ကိုယ်အလေးချိန် လျော့နည်းစေတယ်  

မကြာသေးခင်က သြစတြေးလျမှာ ပြုလုပ်ခဲ့တဲ့ လေ့လာမှုအရ သရက်ခွံထဲမှာ ပါဝင်တဲ့ ဒြပ်ပေါင်းတွေက အဆီဆဲလ်တွေ ကြီးထွားမှု မရှိအောင် ထိန်းချုပ်ပေးတာကို တွေ့ရှိခဲ့ပါတယ်။ ဒီအာနိသင်က ကိုယ်အလေးချိန် လျှော့ချရာမှာ အလွန် အသုံးဝင်ပါတယ်။ သရက်သီး အမျိုးအစား အတော်များများမှာ ဒီဒြပ်ပေါင်း ပါဝင်ပြီး အဆီဆဲလ်တွေကို ဖယ်ရှားပေး နိုင်ပါတယ်။ 

ဝမ်းဗိုက် မအီမသာ ဖြစ်ခြင်းမှ သက်သာစေတယ်  

သရက်သီးအခွံက အစာမကြေတာ၊ လိပ်ခေါင်းရောဂါ၊ ဝမ်းကိုက်တာနဲ့ ဝမ်းချုပ်တာတွေကို သက်သာစေပါတယ်။ သရက်သီးအခွံကို ဆူပွက်နေတဲ့ ရေထဲ ထည့်ပြီးနောက် အအေးခံကာ သောက်ပေးပါ။ 

သွေးတွင်း ကိုလက်စထရောကို လျော့နည်းစေတယ်  

သရက်သီး အခွံထဲမှာ အစွမ်းထက် အင်တီအောက်ဆီးဒင့်ဖြစ်တဲ့ ရက်စဗာရက်ထရော ပါဝင်ပြီး ဆဲလ်တွေ ပျက်စီးမှုမှ တားဆီး ပေးပါတယ်။ ကင်ဆာဖြစ်ပွားမှုကို ဟန့်တားပေးပြီး သွေးတွင်း ကိုလက်စထရောကိုလည်း လျော့နည်းစေပါတယ်။ 

သွေးတွင်း သကြားဓာတ်ကို ထိန်းထားနိုင်တယ်  

သရက်သီးမှာ သကြားဓာတ် ပါဝင်မှု များပါတယ်။ သရက်သီး အခွံထဲက ရက်စဗာရက်ထရောက အင်ဆူလင်ဟော်မုန်း တုန့်ပြန်မှုကို ကောင်းစေလို့ သွေးတွင်းသကြားဓာတ်ကို လျော့နည်းစေပါတယ်။ သရက်သီးရဲ့ အင်ဆူလင် တုန့်ပြန်မှုက အမျိုးအစား ၂ ဆီးချိုသွေးချိုေ ရာဂါရှင်တွေမှာ ပိုမို သိသာပါတယ်။ ဒါကြောင့် သရက်သီးအခွံ စားသုံးတာက ဆီးချိုသွေးချိုရောဂါ ဖြစ်ပွားမှုမှ ကာကွယ် ပေးနိုင်ပါတယ်။ 

အရိုးကို ကျန်းမာစေတယ်  

သရက်သီးအခွံထဲကနေ ဗီတာမင် K ကို ရရှိနိုင်ပြီး ဗီတာမင် K က ကယ်လ်စီယမ် စုပ်ယူမှုအတွက် မရှိမဖြစ် လိုအပ်ပါတယ်။ ကယ်လ်စီယမ်က အရိုးသန်မာစေဖို့ များစွာ အထောက်အကူ ပြုပါတယ်။ 

Tip 

အိန္ဒိယနိုင်ငံမှာ သရက်သီးစိမ်းကို အခြောက်လှမ်းပြီး အမှုန့်ကြိတ်ကာ ပုလင်းထဲထည့်၊ လေလုံအောင် ပိတ် သိမ်းထားတတ်ကြပါတယ်။ ဟင်းချက်တဲ့အခါ အချဉ်အရသာ ရရှိဖို့ ထည့်ချက်လေ့ ရှိပါတယ်။