ကိုယ့်ရဲ့လုပ်ဖော်ကိုင်ဖက်မှာ ဒီလက္ခဏာတွေရှိနေရင် လုံးဝမယုံနဲ့
ဘဝအတွက် အလုပ်လုပ်နေရသလို သူငယ်ချင်းမိတ်ဆွေတွေ ရှိနေဖို့ကလည်း အရေးကြီးတယ်မဟုတ်လား။ အလုပ်ထဲမှာ မိတ်ဆွေ သူငယ်ချင်းတွေ ရှိနေခြင်းဟာ ကိုယ့်အတွက် အများကြီးကောင်းပါတယ်။ ဒါပေမဲ့ ယုံကြည်လို့မရနိုင်တဲ့ လုပ်ဖော်ကိုင်ဖက်ကိုတော့ မျက်စိစုံမှိတ်ပြီး မယုံလိုက်နဲ့နော်။ အထူးသဖြင့် ဒီလိုလက္ခဏာတွေ ရှိနေရင်ပေါ့။
၁။ တစ်ကိုယ်ကောင်းသမား
အလုပ်ဆိုတာ အားလုံး ကိုယ့်တာဝန်ကိုယ်ကျေအောင်လုပ်မှ ကုမ္ပဏီတိုးတက်အောင်မြင်မှာ။ ကိုယ်တစ်ယောက်တည်းကွက်ပြီး တော်နေ တတ်နေတယ်။ သူများတွေကိုတော့ အကူအညီမပေးဘူး။ တစ်ဌာနလုံးမှာ သူအတော်ဆုံး၊ ဒါပေမဲ့ သူများတွေကို ကူညီပေးဖို့ ငြင်းတတ်တယ်။
၂။ ရလာဒ်ကောင်းရင် သူ့ကြောင့်လို့ပဲဂုဏ်ယူတယ်
တစ်ခုခု အမှားအယွင်းရှိရင် တစ်ဖွဲ့လုံးမှားတာပေါ့။ အဲ... ကောင်းတာလေး တစ်ခုခု ဖြစ်လာပြီဆို သူစွမ်းဆောင်လို့၊ သူကြိုးစားလို့ ဆိုပြီး ဂုဏ်ဖော်တယ်။
၃။ ရှိသမျှလူအကြောင်း အတင်းအုပ်တယ်
တစ်ရုံးတည်းမှာ အတူတူလုပ်နေကြတဲ့ ကိုယ့်ရဲ့လုပ်ဖော်ကိုင်ဖက်တွေအကြောင်းကို နောက်ကွယ်မှာ အတင်းအုပ်တယ်။ တစ်ယောက်တစ်လေတောင်မဟုတ်ဘူး။ ရှိသမျှလူတွေရဲ့အကြောင်းကို အတင်းအုပ်တာ။ အဆင့်အတန်းမရှိ စရိုက်ဆန်တဲ့လုပ်ရပ်မျိုးက လူကောင်းတစ်ယောက်ရဲ့အင်္ဂါရပ်မဟုတ်ဘူးနော်။
၎။ တိုင်ကြောထူ
လူတိုင်းမှာတော့ ချို့ယွင်းချက်တွေ ရှိတတ်တယ်။ အပြစ်တွေလုပ်မိတတ်တယ်။ လုပ်ဖော်ကိုင်ဖက်အချင်းချင်း ဖေးမကူညီရမယ့်အစား အထက်လူကြီးကို သွားသွားတိုင်တယ်။ ဖြစ်တာထက်ပိုပြီး ချောက်တွန်းတတ်တယ်။
၅။ နောက်ကျောကိုဓားနဲ့ထိုးဖူးတယ်
သူ့နောက်ကြောင်းကို စုံစမ်းကြည့်လိုက်။ ကိုယ်နဲ့ရင်းနှီးသူကို နောက်ကျောဓားထိုးတဲ့လုပ်ရပ်မျိုး လုပ်ဖူးတယ်ဆို သတိသာထား။ ကိုယ့်ကိုယ်လည်း ဒါမျိုးလုပ်နိုင်တယ်။
၆။ မကောင်းတဲ့ feedback ပေးရင် လက်မခံဘူး
သူဘာလုပ်လုပ် အကောင်းပြောတာပဲကြိုက်တယ်။ မှားနေတယ်လို့ ထောက်ပြရင် နည်းနည်းမှ လက်မခံဘူး။ အကျိုးဆက်က ဘာဖြစ်လာသလဲဆို ကိုယ့်အပေါ် ရန်ငြှိုးဖွဲ့လာတော့မှာ။
၇။ ကိုယ့်ကိုကြဉ်ထားသလို ခံစားရစေတယ်
ဌာနထဲမှာ လူတွေအများကြီး ရှိပါလျက်နဲ့ ကိုယ့်တစ်ယောက်တည်းကို ကွက်ပြီး အဖက်မလုပ်ဘူး။ ကိုယ်က အထီးကျန်၊ အပယ်ခံဘဝ ရောက်နေပြီလို့ ခံစားရအောင် လုပ်တယ်။ လူတိုင်းကို အဖက်လုပ်ပေမဲ့ ကိုယ့်တစ်ယောက်တည်းကိုပဲကွက်ပြီး အခေါ်အပြောမလုပ်ဘူး။
၈။ လိမ်တတ်တယ်
ဒါကတော့ အရှင်းဆုံးပဲ။ သူ့အကျင့်ကိုက လိမ်ညာတတ်တာ။ ကိုယ်ကလည်း ဒါကို မြင်ခဲ့ဖူးတယ်ဆိုရင် ဘာလို့ယုံနေတော့မလဲ။
၉။ သူအကောင်းဆုံးဖြစ်ဖို့ ဘာမဆိုလုပ်မယ့်သူ
ယှဉ်ပြိုင်မှုတွေရှိလာတဲ့အခါ တရားနည်းလမ်းကျကျ မတွေးဘူး။ ကိုယ်အသာရဖို့အတွက် ဘာမဆိုလုပ်တယ်။ တရားနည်းလမ်းကျဖို့တွေ ကိုယ်ချင်းစာဖို့တွေဆိုတာ ခေါင်းထဲမှာမရှိဘူး။ ဘယ်သူသေသေ ငတေမာရင်ပြီးရောပဲ။
- Get link
- Other Apps
- Get link
- Other Apps
Comments