Rosehip Oil အကြောင်း သိပြီးပြီလား

Rosehip Oil အကြောင်း သိပြီးပြီလား

ဝက်ခြံတွေပေါက်နေချိန် အသားခြောက်နေချိန်မှာ လိမ်းကြည့်ရင် ဝက်ခြံပျောက်တာမြန်ပြီး အသားအရေစိုပြည်လာတယ်။ 

ခုတလောမှာမှ beauty blogger တချို့ မျှဝေနေကြတဲ့ rosehip oil ဟာ ညီမလေးတို့ ပျိုမေတို့တော့ ကိုယ်တိုင်သုံးဖူးချင်မှ သုံးဖူးမှာပါနော်။ Rosehip oil ဆိုတာက ခုမှ ပေါ်လာတာတော့ မဟုတ်ဘူးရယ်။ ကိုယ်တွေကတော့ ခုမှကြားဖူးတာပေါ့နော်။ အဲ့တာနဲ့ ပျိုမေလေးတို့လည်း သိရအောင် မဒီက rosehip oil အကြောင်း ရေးပေးလိုက်ပါတယ်။ 

Rosehip oil ဟာ အသားအရေကို အားသစ်လောင်းနုပျိုစေပြီး ဆံပင်အတွက်လည်း ကောင်းကျိုးထူးတဲ့ ဆီတစ်မျိုးပါ။ ချီလီနိုင်ငံက Andean Indian လူမျိုးတွေက မျိုးရိုးစဉ်ဆက် သုံးစွဲခဲ့ကြတယ်။ ဒီဆီမှာ သဘာဝ အာဟာရနဲ့ ဗီတာမင်ဓာတ်တွေ ပါဝင်နေလို့ သောက်လည်းသောက် လိမ်းလည်းလိမ်းကြတယ်။ 

၁။ ဆံပင်တွေခြောက်သွေ့နေရင် rosehip oil ကို အပူပေးပြီး ဦးရေပြားကိုလိမ်းကာ နှိပ်နယ်ပေးပါ။ နှိပ်ပြီး တစ်နာရီကြာမှ ခေါင်းလျှော်လိုက်ရင် ဆံသားတွေ နူးညံ့စိုပြေလာတာ တွေ့ရပါလိမ့်မယ်။ ဗောက်လည်းပျောက်စေနိုင်ပါသေးတယ်။ 

၂။ အသားရေခြောက်သွေ့သူတွေအတွက်လည်း rosehip oil က အသုံးတည့်ပါတယ်။ သူ့မှာ fatty acid တွေ ကြွယ်ဝစွာ ပါဝင်လို့  အသားအရေကို တင်းရင်းနုပျိုစေတယ်လေ။ Victoria Secret မော်ဒယ် မီရန်ဒါ ကားရ် ဆိုရင် rosehip oil ကို အမြဲတမ်းသုံးသူပါ။ အသားအရေခြောက်သွေ့အက်ကွဲတာတွေ ပျောက်စေပြီး စိုပြေစေတယ်။ ဒူး၊ တံတောင်တို့ကို လိမ်းပေးရင် မည်းတာတွေပျောက်တယ်။ နှုတ်ခမ်းကွဲ ခြေဖနောင့်ကွဲရင်လည်း လိမ်းနိုင်ပါတယ်။ 

၃။ နောက်တစ်ခုကတော့ အမာရွတ်တွေကို မှေးမှိန်သွားစေနိုင်စွမ်းလည်း ရှိပါတယ်။ အကြောပြတ်ရာတွေနဲ့ အသက်ကြီးလို့ အရေပြားပေါ်မှာဖြစ်လာတဲ့ အမည်းစက်တွေ၊ အပူလောင်အမာရွတ်တွေပေါ်ကို rosehip oil လေး လူးပေးကြည့်ပါ။ 

၎။ Rosehip Oil ကို နေလောင်ဒဏ်ကြောင့် အသားအရေပျက်စီးတဲ့အခါမှာလည်း သုံးနိုင်တယ်။ ကမ်းခြေသွားလို့ နေလောင်ပြီး အသားနီရဲ စပ်ဖျင်းဖျင်းဖြစ်လာပြီဆို rosehip oil လေး လူးပေးလိုက်တာနဲ့ နီရဲရောင်ရမ်းတာ ချက်ချင်းသက်သာသွားတယ်။ အသားလည်း အေးသွားတယ်။ 

၅။ လက်သည်း ခြေသည်းလေးတွေကိုလည်း အားဖြည့်ပေးနိုင်ပါတယ်။ အိပ်ရာဝင်ခါနီးတိုင်းမှာ rosehip oil လေးကို လက်သည်း ခြေသည်းတွေကို လိမ်းပေးကြည့်။ တစ်ပတ်လောက် နေ့တိုင်း လိမ်းပေးတာနဲ့တင် သိသိသာသာ လှလာမှာပါနော်။