တရားခံကို ထောင်ဒဏ် ၂၄နှစ်နှင့် သေဒဏ်သီးခြားစီချမှတ်

 

 

မုံရွာမြို့နှစ်လောင်းပြိုင် လူသတ်တရားခံကို ထောင်ဒဏ် ၂၄နှစ်နှင့် သေဒဏ်သီးခြားစီချမှတ်

မုံရွာမြို့တွင် လင်မယား နှစ်ဦးအား သတ်ဖြတ်ခဲ့သူကို မုံရွာခရိုင်တရားရုံးက အောက်တိုဘာ ၃၀ ရက်တွင် ထောင်ဒဏ် ၂၄ နှစ်နှင့် သေဒဏ်ချမှတ်ခဲ့သည်။ 

မုံရွာမြို့ ကံသာဦးရပ်ကွက် အတွင်း အိမ်ငှားနေထိုင်သော အသက် (၃၆) နှစ်အရွယ် အမျိုး သားနှင့် (၃၇) နှစ်အရွယ် အမျိုးသမီး လင်မယားနှစ်ဦးသည်၂၀၁၆ အောက်တိုဘာ ၂၇ ရက် နံနက်ပိုင်းက ဓားဒဏ်ရာများဖြင့် သေဆုံးနေပြီး နေအိမ်အိပ်ခန်းအ တွင်းမှ မူးယစ်ဆေးဝါးသုံးစွဲသည့် ပစ္စည်းအချို့ကိုလည်း ရဲတပ်ဖွဲ့က စစ်ဆေးတွေ့ရှိခဲ့သည်။ 

ပြစ်မှုကျူးလွန်သူမှာ ငွေ ကျပ် ၁၂သိန်း၊ ဆိုင်ကယ်တစ်စီး နှင့် ရွှေထည်အချို့ကိုလည်း ယူ ဆောင်သွားခဲ့သည်။ ယင်းဖြစ်စဉ်နှင့်ပတ်သက်၍ မုံရွာမြို့ ကံသာဦးရပ်ကွက်အုပ်ချုပ်ရေးမှူး ဦး အောင်လင်းက တရားလိုပြုလုပ်တိုင်ကြားခဲ့ပြီး မုံရွာမြို့နယ်မြေရဲတပ်ဖွဲ့စခန်းတွင် လူသတ်မှုဖြင့် အမှုဖွင့်စစ်ဆေးခဲ့သည်။ 

လူသတ်မှုကျူးလွန်သူသည် မုံရွာမြို့ အောင်ချမ်းသာရပ်ကွက် နေ (၂၀) နှစ်အရွယ် အမျိုးသားတစ်ဦးဖြစ်ပြီး ၎င်းကို ၂၀၁၆ နိုဝင်ဘာ ၂ ရက် နံနက်တွင် စစ်ကိုင်းမြို့အ၀င်၌ ဖမ်းဆီးမိခဲ့ကြောင်း ရဲမှတ်တမ်းတွင် ဖော်ပြထားသည်။ 

ကျူးလွန်သူကို မုံရွာခရိုင် တရားရုံးက အိမ်ဖောက်ထွင်းမှု၊ လူသတ်မှု၊ လုယက်မှုများဖြင့် ၂၀၁၆ နိုဝင်ဘာ ၂၈ ရက်တွင် တရားစွဲဆိုစစ်ဆေးခဲ့ပြီး ၂၀၁၇ အောက်တိုဘာ ၃၀ ရက်၌ မုံရွာခရိုင် တရားရုံး ဒုတိယတရားသူ ကြီး (၁) ဒေါ်ရွှေမြင့်ဘုန်းက ၎င်းသည် လူသတ်ပြီးနောက် ကျပ် ၁၂ သိန်း၊ ရွှေထည်ပစ္စည်းအချို့နှင့် ဆိုင်ကယ်တစ်စီးကိုပါ ယူဆောင်ခဲ့ကြောင်း ထွက်ဆိုသည်။ 

ရာဇသတ်ကြီးဥပဒေပုဒ်မ ၃၀၂-၁ (ဂ) အရ သေဒဏ်၊ ရာဇ သတ်ကြီးဥပဒေပုဒ်မ ၄၅၈ အရ အလုပ်နှင့် ထောင်ဒဏ် ၁၄ နှစ်၊ ရာဇသတ်ကြီးဥပဒေပုဒ်မ ၃၉၂ အရ အလုပ်နှင့် ထောင်ဒဏ် ၁၀ နှစ် အသီးသီးကျခံစေရန် အမိန့်ချမှတ်ခဲ့ကြောင်း တရားရုံးသတင်းပြန်ကြားရေးအရာရှိ ဒုတိယခရိုင်တရားသူကြီး ဦးကြည်မင်းစိုးက ပြောသည်။