စစ်တွေဆေးရုံကြီးမှ အလုပ်သင်ဆရာဝန်အားကိုယ်ထိလက်ရောက် ထိုးနှက်ခဲ့သူများအား အမှုဖွင့်အရေးယူရးယူ

စစ်တွေဆေးရုံကြီးမှ အလုပ်သင်ဆရာဝန်အားကိုယ်ထိလက်ရောက် ထိုးနှက်ခဲ့သူများအား အမှုဖွင့်အရေးယူ

 Thithtoolwin 

 

ရခိုင်ဂေဇက်၊ နိုင်ဝင်ဘာ ၂ 

ရခိုင်ပြည်နယ်၊ စစ်တွေမြို့တွင် အောက်တိုဘာ ၂၉ ရက်နေ့၊ညနေ ၁၀ နာရီခန့်တွင် အချိန်လွန်မှလူနာလာကြည့်လာသောလူတစ်စုမှ ဆေးရုံထဲသို့ဝင်ခွင့်မရဟုဆိုကာ တာဝန်ကျ အလုပ်သင်ဆရာဝန်အား ထိုးကြိတ်ခဲ့ကြသည့် ဖြစ်စဉ်တစ်ခုဖြစ်ပွားခဲ့ပြီး အဆိုပါဖြစ်စဉ်တွင် ပါဝင်ခဲ့သူ စစ်တွေတက္ကသိုလ်မှကထိကဆိုသူနှင့် အဖွဲ့ဝင်များအားအမှုဖွင့်အရေးယူထားကြောင့် စစ်တွေ ဆေးရုံအုပ်ဒေါက်တာ ကျော်နိုင်ဝင်းကပြောသည်။ 

“အချိန်လွန်မှလာလို့ ဆရာမတွေကတားတယ် တားရမလားဆိုပြီး စာနာစိတ်မရှိဘူးဘာညာဆိုပြီးအော်ဟစ်ကြတယ်။ ဒါကို အဲဒီဆရာဝန်ကသွားပြီး ခင်ဗျားတို့မနက်ဖြန်မှလာပါလို့ရှင်းပြတယ်။ မရဘူး ဒီလိုနဲ့အလုပ်သင်ဆရာဝန်အပြင်ထွက်သွားပြန်လာတော့ ဆူညံပြီး တွေ့တယ်။ ပြန်ပြီးလူနာတွေကို အနှောင့်အယှက်ဖြစ်တယ်ဆိုပြီးပြောတယ်။ အဲလိုရှင်းပြရာကနေ တစ်ယောက်ကနောက်ကချုပ်ထားပြီး ကျန်လူများကဝိုင်းရိုက်ကြတယ်။ ဒါကြောင့် နဖူးတွေ၊ လက်မောင်းတွေ၊ ဒူးတွေမှာ နာကျင်ခဲ့ရတယ်။ စိုးရိမ်စရာတော့မရှိပါဘူး။ သူတို့တွေကို အခုလိုပြုမှုခဲ့လို့အမှုဖွင့်လိုက်တာပါ”ဟု ဆေးရုံအုပ်ဒေါက်တာကျော်နိုင်ဝင်းမှပြောသည်။ 

အဆိုပါဖြစ်စဉ်မှာ အောက်တိုဘာ ၂၉ ရက် ညနေ ၁၀ နာရီအချိန်တွင် စစ်တွေ ဆေးရုံကြီး အမျိုးသမီး ကုသဆောင်ရှေ့တွင် စစ်တွေတက္ကသိုလ်မှ ဓာတုဗေဒဌာနကထိက ဦးကိုအောင်အောင်နှင့် အပေါင်းအပါသုံးယောက်မှ စစ်တွေဆေးရုံတွင် ဆေးကုသခံယူနေသော အသိမိတ်ဆွေလူနာအား အချိန်လွန်မှဝင်ခွင့်တောင်းရာမှယခုလိုဖြစ်ပွားခဲ့ခြင်းဖြစ်ကြောင်း ဆေးရုံအုပ်မှဆိုသည်။ 

“ဆေးရုံမှာက ဧည့်တွေ့ချိန်ကုန်ရန်မဝင်ရဘူးလို့စည်းကမ်းထုတ်ထားတယ်။ သူတို့က ၁၀ နာရီလာတယ်ဆိုတော့ တွေ့ချိန်ကုန်ပြီပေါ့။ သူတို့လာကြည့်တဲ့လူနာကလည်း စိုးရိမ်ရတယ်ဆိုပြီး လူနာစောင့် လေးငါးယောက်တင်မကဘူးနေခွင့်ပေးထားတယ်။ အမှန်က လူနာစောင့် ၂ ယောက်သာထားတာ။ ဆေးရုံအတွင်းယခုလို ကိုယ်ထိလက်ရောက်စော်ကားတော့ ဆေးရုံဂုဏ် သိက္ခာအတွက် အမှုဖွင့်အရေးယူထားတယ်”ဆေးရုံအုပ်ကပြောသည်။ 

ကိုယ်ထိလက်ရောက် ထိုးကျိတ်ခံခဲ့ရသူဆရာဝန်မှာ မကွေးဆေးတက္ကသိုလ်မှ ဖြစ်ပြီး အလုပ်သင်ဆရာဝန်အဖြစ် စစ်တွေဆေးရုံကြီး တွင်တာဝန်ထမ်းဆောင်နေသူ ဖြစ်ကြောင်းသိရသည်။ 

တာဝန်ကျ ဆရာဝန်အား ကိုယ်ထိလက်ရောက် ကျူးလွန်ခဲ့သူ ဟုဆိုသော ကထိက ဦးကိုကိုအောင်အား စစ်တွေအမှတ် (၁) ရဲစခန်းတွင် အမှုဖွင့်ထားကြောင်းသိရပြီး အဆိုပါ ဖြစ်စဉ်နှင့် ပတ်သက်ပြီး ကထိကဦးကိုအောင်အောင်အား ဆက်သွယ်မေးမြန်းခဲ့သော်လည်း ဖုန်းစက်ပိတ်ထားသောကြောင့် ဆက်သွယ်၍မရခဲ့ပါ။ 

ဇွဲလင်းနိုင် (စစ်တွေ) 
Rakhine Gazette