ရက်သားကလေးငယ်ကို ကိုယ်တိုင်အစဖျောက်ပြီး ကိုယ်တိုင်အမှုဖွင့်ခဲ့တဲ့ မိခင်

 

စစ်ကိုင်းတိုင်းဒေသကြီး မြင်းမူမြို့မှာ ကလေးပျောက်တယ်ဆိုပြီး တိုင်ကြားတဲ့ မိခင်ကိုယ်တိုင်က သူကိုယ်တိုင်ကလေးကို ဖျောက်ဖျက်ခဲ့တဲ့ အမှု ဖြစ်ပွားခဲ့ပါတယ်။ မြင်းမူမြို့နယ် မြစ်ပေါက်ကျေးရွာမှာနေတဲ့ အသက်(၁၈)နှစ်အရွယ် မိခင်တစ်ဦးဟာ အောက်တိုဘာလ(၃၁)ရက်က သူ့ရဲ့ရက်သားအရွယ်ကလေးပျောက်တယ်ဆိုပြီး ရဲစခန်းမှာ တိုင်ကြားခဲ့ပါတယ်။

 ရဲစခန်းက မိခင်ဖြစ်သူကို စစ်ဆေးမေးမြန်းရာမှာတော့ ကိုယ်တိုင်ဖျောက်ဖျက် ခဲ့တယ်ဆိုတဲ့ သဲလွန်စကို တွေ့ခဲ့ဖြစ် ထက်မံ စစ်ဆေးရာမှာ ကလေးငယ်ရဲ့အလောင်းကို ဖော်ထုတ်နိုင်ခဲ့ပါတယ် ။

 အောက်တိုဘာလ(၃၁)ရက် ည(၇)နာရီခန့်က နေအိမ်ဘေး ၀ါးကြမ်းခင်းကွပ်ပျစ်ပေါ်မှာ သိပ်ထားတဲ့ (၂၈)ရက်အရွယ် သားကိုပွေ့ခေါ်ကာ နေအိမ်အနောက်ဘက်က ရေကန်ထဲကို ပစ်ချခဲ့တယ်လို့ စစ်ဆေးပေါ်ပေါက်ခဲ့တာပါ။

 ကလေးငယ်ရဲ့ အလောင်းကိုတော့ နိုဝင်ဘာလ(၃)ရက်က ဆယ်ယူတွေ့ရှိခဲ့ပါတယ်။ ဒီလိုလုပ်ဆောင်တာနဲ့ ပတ်သက်ပြီး စစ်ဆေးနေတယ်လို့ သိရပါတယ်။

 ဒီဖြစ်စဉ်နဲ့ ပတ်သက်ပြီး လူပျောက်တိုင်ထားတဲ့ တရားလို ကို တရားခံအဖြစ် ပြန်ဖမ်းပြီး လူသတ်မှုပုဒ်မ (၃၀၂)နဲ့ မြင်းမူမြို့မရဲစခန်းက အမှုဖွင့်ထားတယ်လို့ သိရပါတယ်။

သတင်းထောက် - ကိုကိုနိုင် (မြင်းမူ)