ရင်သွေးငယ်လေးတွေအတွက် ဖေဖေမေမေတို့ သတိထားရမယ့် အချက် (၃) ချက်
ရင်သွေးငယ်လေးတွေဟာ အနာဂတ်ရဲ့မျိုးဆက်သစ်လေးတွေပါ။ ငယ်ရွယ်တဲ့ အချိန်ကတည်းက အစပြုပြီး အသက်ကြီးလာသည့်တိုင် သူ့ ဖြတ်သန်းရမယ့် ဘ၀နေ့ရက်တွေကို ပျော်ရွှင်မှုရှိစွာနဲ့ ကုန်ဆုံးစေဖို့က အရေးကြီးပါတယ်။ ကျန်းမာသွက်လက်ပြီး ထက်မြက်နေစေဖို့အတွက် ဖေဖေ၊မေမေတို့ရဲ့ လုပ်ဆောင်ပေးတာလေးတွေကလည်း အရေးပါတယ်နော်။
၁။ ပျော်ရွှင်မြူးတူးစွာ ဆော့ကစားကြပါစေ
ဖေဖေ၊မေမေ တချို့က ကလေးတွေအတွက် စိုးရိမ်ပူပန်ပြီး ဆော့ကစားခိုင်းတာမျိုးကို တင်းကျပ်လေ့ရှိပါတယ်။ ဒီလိုမျိုး တင်းကျပ်လွန်းတာက မကောင်းဘူးနော်။ ကလေးတို့ဘာသာဘာဝ ဆော့ကစားနေမှ ကိုယ်လက်လှုပ်ရှားမှုရှိစေပြီး သူတို့လေးတွေရဲ့ စိတ်ထဲမှာ မသိမသာလေး ဖြစ်ပေါ်နေတတ်တဲ့ စိတ်ဖိစီးမှုတွေ ကင်းဝေးမယ်လေ။ ဆော့ကစားခြင်းက ကလေးတွေရဲ့ ကိုယ်ခံအားကိုလည်း တိုးမြှင့်စေပြီး တော်တန်ရုံ ရောဂါတွေဝင်ရောက်မှုကိုတောင် တားဆီးပေးနိုင်ပါတယ်။ ဒါကြောင့်မို့လို့ ကစားသင့်တဲ့အချိန်မှာ ဆော့ကစားခိုင်းဖို့ လိုအပ်မယ်နော်။ တစ်ပတ်တစ်ခါ ကစားကွင်း လိုက်ပို့တာမျိုး၊ ပန်းခြံလိုက်ပို့တာမျိုးတွေ ပြုလုပ်ပေးသင့်ပါတယ်။
၂။ မိုဘိုင်းဖုန်းတွေအလွန်အကျွံ အသုံးမပြုပါစေနဲ့
ကလေးအများစုက မိုဘိုင်းဖုန်းနဲ့ ဂိမ်းဆော့နေတတ်ကြပါပြီ။ တချို့ဆိုရင် တနေ့လုံးထိကို ဆော့ကစားကြတာမျိုးပါ။ မိုဘိုင်းဖုန်းကို အသက်အရွယ်နဲ့မလိုက် အလွန်အကျွံ အသုံးပြုနေပြီဆိုရင်တော့ စိုးရိမ်စရာအခြေအနေဖြစ်နေပါပြီ။ အဲဒီလို အသုံးပြုခြင်းဖြင့် ခန္ဓာကိုယ်လှုပ်ရှားမှု နည်းပါးလာမယ်၊ ညောင်းညာတောင့်တင်းခြင်းတွေ ခံစားရမယ်၊ မျက်စိအား လျော့နည်းလာပြီး ငယ်ငယ်လေးနဲ့ မျက်မှန်တပ်ရတာမျိုး စတဲ့ ဆိုးကျိုးတွေ ဖြစ်ပွားလာပါလိမ့်မယ်။ မိုဘိုင်းဖုန်းနဲ့ ဆော့ကစားခြင်းကြောင့် ကလေးတွေမှာ စိတ်ဖိစီးမှုတွေ များပြားလာပြီး ခန္ဓာကိုယ်ရဲ့ ဇီဝဗေဒချို့ယွင်းချက်တွေပါ ဖြစ်လာတဲ့အထိ ဆိုးကျိုးများတာမို့ မိုဘိုင်းဖုန်းကို အလွန်အကျွံအသုံးမပြုဖို့ ဖေဖေ၊မေမေတို့က အတတ်နိုင်ဆုံး ထိန်းချုပ်ပေးရပါလိမ့်မယ်။
၃။ တနေကုန် ကျောင်းသင်ခန်းစာတွေ မလုပ်ခိုင်းပါနဲ့
နားချိန်တန်နား၊ စားချိန်တန်စား၊ ကစားချိန်တန် ကစားဆိုသလိုမျိုး မိဘတွေဘက်က အချိန်ဇယားလေးနဲ့ လုပ်ပေးရင် အကောင်းဆုံးပေါ့။ တချို့မိဘတွေက မိမိကလေးလေးတွေကို ဖြစ်ထွန်းစေချင်တာမို့ ကျောင်းသင်ခန်းစာတွေကို အလွန်အကျွံလေ့လာခိုင်းတာမျိုးတွေ ရှိတတ်ပါတယ်။ ဒီလို လုပ်ခိုင်းတာက ကလေးကိုလည်း ၀န်ပိစေတဲ့အပြင် သူ့ရဲ့ ကျန်းမာရေးကိုပါ ထိခိုက်လာနိုင်စေပါတယ်။ တနေ့တာအတွက် အချိန်ဇယားလေးတွေ ပြုလုပ်ပြီး သူ့အချိန်နဲ့သူ ကလေးငယ်လေးတွေကို ပုံစံလေးချပေးထားရင် စည်းကမ်းလည်းရှိ၊ လွတ်လပ်ပေါ့ပါးပြီး ဥာဏ်ရည်ထက်မြက်တဲ့ သားသား၊မီးမီးလေးတွေကို ဖေဖေ၊မေမေတို့ ကိုယ်တိုင် ပြုစုပျိုးထောင်ပေးနိုင်တာပေါ့။
Credit: Duwun
- Get link
- X
- Other Apps
- Get link
- X
- Other Apps
Comments