ဒူးနာခြင်းအတွက် ကိုယ်လက်ကြံ့ခိုင်ရေးကုထုံးများ၊ အယူအဆများမှားယွင်းနေသော ရှေးရိုးစွဲ အမြင် (၅) ခု

ဒူးနာခြင်းအတွက် ကိုယ်လက်ကြံ့ခိုင်ရေးကုထုံးများ၊ အယူအဆများမှားယွင်းနေသော ရှေးရိုးစွဲ အမြင် (၅) ခု





ဒူးနာခြင်းသည် နေ့စဉ် လုပ်ငန်းဆောင်တာများကို ထိခိုက်စေပါသည်။ ထိုသို့ခံစားရလျှင် ကိုယ်လက်ကြံ့ခိုင်ရေး ကုထုံးများသည် သင့်အတွက် အရေးပါသော ကုသမှုများထဲတွင် ပါဝင်လာပါသည်။



ရေးသားသူ Dr. K Zin Thwe
ဆေးပညာပိုင်းဆိုင်ရာ တည်းဖြတ်သူ hellosayarwon.


ဒူးနာခြင်းသည် နေ့စဉ် လုပ်ငန်းဆောင်တာများကို ထိခိုက်စေပါသည်။ ထိုသို့ခံစားရလျှင် ကိုယ်လက်ကြံ့ခိုင်ရေး ကုထုံးများသည် သင့်အတွက် အရေးပါသော ကုသမှုများထဲတွင် ပါဝင်လာပါသည်။

သို့သော် သင်ကြားဖူး မြင်ဖူးသော ရှေးစကားများ၊ အတွေ့အကြုံများအရ သင်သည် လေ့ကျင့်ခန်းလုပ်ခြင်း၏ အကျိုးများကို အယုံအကြည်ရှိချင်မှ ရှိပါလိမ့်မည်။ ထို့ကြောင့် အမှန်တရားကို ရှာဖွေဖော်ထုတ်ကြည့်ကြပါစို့။အများအားဖြင့် မှားယွင်းနေသော အယူအဆများမှာ အောက်ပါတို့ဖြစ်ပါသည်။

ကိုယ်လက်ကြံ့ခိုင်ရေး ကုထုံးများသည် အလုပ်မဖြစ်ပါ။

ကိုယ်လက်ကြံ့ခိုင်ရေး ကုထုံးများသည် အလုပ်မဖြစ်ဟု အချို့သူများက ထင်နေတတ်ကြသည်။ တခါတရံတွင် မလုပ်ဖူးသော လေ့ကျင့်ခန်းများကို လုပ်ရန် တွန့်ဆုတ်နေကြပါသည်။ အမှန်မှာ လေ့ကျင့်ခန်းများ ပြုလုပ်ခြင်းဖြင့် အကျိုးကျေးဇူးများစွာ ရှိပါသည်။

ကိုယ်လက်ကြံ့ခိုင်ရေး ကုထုံးများသည် အများစုသော ကုသမှုများတွင် အရေးပါသော ကဏ္ဍတစ်ခုဖြစ်လာပြီး အများစုသော လူနာများတွင် အကျိုးရှိကြောင်း တွေ့ပါသည်။ ထိုကိစ္စနှင့် ပတ်သက်ပြီး သံသယရှိလျှင် သင့်ဆရာဝန်အား လွတ်လပ်စွာ မေးမြန်းနိုင်ပါသည်။

လေ့ကျင့်ခန်းများ ပြုလုပ်ခြင်းသည် နာကျင်မှုအနည်းငယ်ဖြစ်စေသောကြောင့် ချက်ချင်းရပ်တန့်လိုက်သင့်ပါသည်။

လေ့ကျင့်ခန်းများသည် စလုပ်ကာစတွင် အနည်းငယ် နာကျင်စေပါသည်။ ထို့ပြင် ကြွက်သားများသည် ပုံမှန်ထက် ပို အလုပ်လုပ်ရသောကြောင့် အနည်းငယ်တောင့်တင်းခြင်းများကိုလည်း ခံစားရမည်ဖြစ်ပါသည်။

ယင်းဖြစ်စဉ်သည် ကိုယ်လက်လှုပ်ရှားမှုများ ပြုလုပ်ပြီး ၂၄ နာရီမှ ၄၈ နာရီအတွင်းဖြစ်တတ်ပါသည်။ ထို့ကြောင့် ထိုဝေဒနာများကို သက်သာစေမည့် နည်းလမ်းများကို သင့်ဆရာဝန် သို့မဟုတ် ကျန်းမာရေးနည်းပြများကို ကြိုမေးထားသင့်ပါသည်။ ကိုယ်လက်ကြံ့ခိုင်ရေး ကုထုံးများကို မပြုလုပ်မီ သွေးပူလေ့ကျင့်ခန်းများပြုလုပ်ပေးခြင်း၊ အကြောများဆန့်ပေးခြင်းဖြင့် ထိုနာကျင်မှုများ သက်သာစေမည်ဖြစ်ပါသည်။

သို့သော် သင်သည် ကိုယ်လက်ကြံ့ခိုင်ရေး ကုထုံးများကြောင့် မခံမရပ်နိုင်အောင် နာကျင်ခြင်းများဖြစ်လာလျှင် ဆရာဝန်အားပြောပြသင့်ပါသည်။ ထိုသို့ဖြစ်ခြင်းသည် သင်လုပ်နေသော လှုပ်ရှားမှုများသည် သင့်အခြေအနေနှင့် မသင့်တော်သောကြောင့် ဖြစ်နိုင်ပါသည်။

ဒူးနာမကောင်းလာသောကြောင့် ကျွန်ုပ်သည် ထိုလေ့ကျင့်ခန်းများကို ဆက်မလုပ်သင့်တော့ပါ။

အရာအားလုံးသည် အသားကျရန်အတွက် အချိန်ယူရမည်ဖြစ်ပါသည်။ အထူးသဖြင့် ဆေးဝါးကုထုံးများသည် တိုးတက်မှုများရရှိရန်  အနည်းဆုံး ၆ ပတ်ခန့် အချိန်ယူရမည်ဖြစ်ပါသည်။ ထို့ကြောင့် သင်သည် ကိုယ်လက်ကြံ့ခိုင်ရေး ကုထုံးများကို အနည်းဆုံး ၁၂ ကြိမ်မျှ ပြုလုပ်ရမည်ဖြစ်ပါသည်။

ယင်းကုထုံးများသည် သင့်နာကျင်မှုများကို ဖြေးဖြေးချင်း ပြေလျော့စေပြီး ကြွက်သားများကို ဆန့်ထုတ်စေပါသည်။ ကြာလာလျှင် ယင်းကုထုံးများသည် သင့်ကျန်းမာရေးအတွက် အရေးပါသော အစိတ်အပိုင်းတစ်ခုဖြစ်လာသောကြောင့် စွဲမြဲစွာ လုပ်ဆောင်သင့်သော လေ့ကျင့်ခန်းများဖြစ်ပါသည်။

ကျန်းမာရေးကုထုံးပညာရှင်သည် နာကျင်မှုများအားလုံးကို ကုသနိုင်ပါသည်။

ကိုယ်လက်ကျန်းမာရေးကုထုံးပြုလုပ်ရာတွင် ပြုလုပ်သော အစိတ်အပိုင်းများအပေါ်မူတည်ပြီး ပညာရှင်များလည်း ကွဲပြားပါသည်။ ဥပမာ- လက်ကုထုံး၊ကျောရိုး၊ ပခုံးများ နှင့် ဒူးများကို ကုသော ကုထုံး၊ အာရုံကြောကုထုံး (လေဖြတ်ခြင်း၊ ကျောရိုးကို ထိခိုက်မိခြင်း၊ အကြောဆိုင်းရောဂါဖြစ်ခြင်း)၊ အားကစားသမားများတွင် ထိခိုက်မှုများအတွက် ကုထုံးများ၊ အမျိုးသမီးများအတွက် ကျန်းမာရေးကုထုံးများ စသဖြင့် ကုထုံးများစွာ ၇ှိပါသည်။

ကုထုံးတမျိုးစီအပေါ်မူတည်ပြီး ပြုလုပ်ရသော လှုပ်ရှားမှုများလည်း ကွာခြားပါသည်။ ထို့ကြောင့် သင်သည် ကုထုံးပညာရှင်ကို မရွေးချယ်မီ မှန်ကန်သော ရွေးချယ်မှုမျိုးဖြစ်အောင် စုံစမ်းလေ့လာသင့်ပါသည်။

ကိုယ်အလေးချိန်များခြင်းသည် ဒူးနာခြင်းနှင့် မသက်ဆိုင်ပါ။

အမှန်မှာ ကိုယ်အလေးချိန်များခြင်းသည် ဒူးနာခြင်းနှင့် တိုက်ရိုက် ဆက်နွယ်နေပါသည်။ ကိုယ်အလေးချိန်များလျှင် ဒူးတွင် ဖိအားပိုများပြီး ဒူးဆစ်များကို ထိခိုက်ဒဏ်ဖြစ်စေပါသည်။ အထူးသဖြင့် လမ်းလျှောက်စဉ် လှေခါးတက်စဉ်များတွင် ပိုပြီး ဒဏ်ဖြစ်ပါသည်။

လေ့လာချက်များအရ ကိုယ်အလေးချိန်များခြင်းသည် အရိုးများနှင့် အဆစ်များ ကျီးပေါင်းရောဂါ(အသက်ကြီးလာသောကြောင့် အရိုးအဆစ်များ ယိုယွင်းလာသည့် အဖြစ်များဆုံးရောဂါ) ဖြစ်နိုင်ချေကို ပိုများစေပါသည်။ ထို့ကြောင့် ကိုယ်အလေးချိန်ကို လျှော့ချပါ။ ယင်းသည် သင့်ဒူးကို ပိုပြီး ကျန်းမာစေပါသည်။

အရေးကြီးဆုံးအချက်မှာ ကိုယ်အလေးချိန်ကျစေသည့် လေ့ကျင့်ခန်းများကို ပြုလုပ်ပေး၇န် ဖြစ်ပါသည်။ ထို့ကြောင့် သင့်ကိုယ်အလေးချိန်နှင့် သင့်တော်သည့် လေ့ကျင့်ခန်းများကို ဆရာဝန်၊ ကုထုံးပညာရှင်များနှင့် ဆွေးနွေးပါ။ ထို့ပြင် သင့်ကုထုံးများတွင် ကိုယ်အလေးချိန်ကျစေသော ကုထုံးများလည်း ထည့်သွင်းလုပ်ဆောင်ရန် လိုအပ်ပါသည်။

တခါတရံတွင် ကိုယ်လက်ကြံ့ခိုင်ရေးကုထုံးများသည် ထိရောက်မှုရှိချင်မှ ရှိပါလိမ့်မည်။ ထိုကုထုံးများ ခံယူနေစဉ်တွင် သင့်ဒူးကို ပိုပြီး နာကျင်စေကောင်း နာကျင်စေပါလိမ့်မည်။ သို့သော် ထိုသို့အမြဲမဖြစ်ပါ။ ထို့ကြောင့် သင်သည် ယခုဆောင်းပါးပါအချက်များကို သိထားခြင်းဖြင့် ကိုယ်လက်ကြံ့ခိုင်ရေးကုထုံးများအကြောင်းကို ပိုသိလာမည်ဖြစ်ပြီး သင့်ခံယူချက်များလည်း ပြောင်းလဲလာမည်ဖြစ်ပါသည်။