ပုသိမ်- ဟင်္သာတသွား ရထားတံတားအောက်တွင် ကြေးဆင်းတုတော်များတွေ့

 

ဧရာဝတီတိုင်းဒေသကြီး၊ ဟင်္သာတမြို့နယ်၊ ကျုံတွမ်ကျေးရွာအုပ်စုရှိ ပုသိမ်- ဟင်္သာတသွား ရထားတံတားအောက်ခံ အုတ်ခုံပေါ်တွင် နိုဝင်ဘာလ ၃ ရက်နေ့ နံနက်က ဗုဒ္ဓရုပ်ပွားဆင်းတုတော်များနှင့် ကြေးသွန်းခေါင်းလောင်းတော်များကို တွေ့ရှိခဲ့ရကြောင်း ဟင်္သာတမြို့နယ်၊ ရဲတပ်ဖွဲ့မှူးရုံးထံမှ သိရသည်။

ဟင်္သာတ၊ နိုဝင်ဘာ ၄

ဧရာဝတီတိုင်းဒေသကြီး၊ ဟင်္သာတမြို့နယ်၊ ကျုံတွမ်ကျေးရွာအုပ်စုရှိ ပုသိမ်- ဟင်္သာတသွား ရထားတံတားအောက်ခံ အုတ်ခုံပေါ်တွင် နိုဝင်ဘာလ ၃ ရက်နေ့ နံနက်က ဗုဒ္ဓရုပ်ပွားဆင်းတုတော်များနှင့် ကြေးသွန်းခေါင်းလောင်းတော်များကို တွေ့ရှိခဲ့ရကြောင်း ဟင်္သာတမြို့နယ်၊ ရဲတပ်ဖွဲ့မှူးရုံးထံမှ သိရသည်။ 

အဆိုပါ ကြေးဆင်းတုတော် ၁၀ ဆူနှင့် ကြေးသွန်းခေါင်းလောင်း ၁၈ လုံးတို့ ကို ရထားတံတားပေါ်တွင် ငါးမျှားရန်သွားသည့် ကျုံဖားကျေးရွာနေ အမျိုးသားတစ်ဦးက တွေ့ရှိခဲ့ခြင်းဖြစ်ပြီး ၎င်းက အကျုံတွမ်းကျေးရွာ အုပ်ချုပ်ရေးမှူးနှင့် ရဲတပ်ဖွဲ့တို့ကို အသိပေးခဲ့ခြင်းဖြစ်ကြောင်း ယင်းရုံးမှ သိရသည်။

ယင်းကြေးသွန်းရုပ်ပွားတော်များတွင် ဉာဏ်တော် သုံးလက်မရှိ ဘုရားကြေး ဆင်းတုတော်ဟောင်း နှစ်ဆူ၊ ဉာဏ်တော် လေးလက်မရှိ ဘုရားကြေး ဆင်းတုတော်ဟောင်း လေးဆူ၊ ဉာဏ်တော် ငါးလက်မခွဲရှိ လာဘမုနိမုဒြာ ဘုရားကြေးဆင်းတုတော်ဟောင်း သုံးဆူနှင့် ဘူမိဖဿ ဘုရားကြေး ဆင်းတုတော်ဟောင်း တစ်ဆူနှင့် အချင်း တစ်လက်မခွဲခန့်ရှိ ကြေးသွန်းခေါင်းလောင်းတော် ၁၈ လုံးလည်း ပါဝင်ကြောင်း နတ်မော်ကျေးရွာ အုပ်ချုပ်ရေးမှူး ဦးမောင်မောင်က ရှင်းပြပြောဆိုသည်။ 

အဆိုပါ ကြေးဆင်းတုတော်များကို ရှာဖွေတွေ့ရှိမှုနှင့်ပတ်သက်၍ လတ်တလောတွင် နတ်မော်ကျေးရွာရှိ ဘုန်းတော်ကြီး ကျောင်းထံတွင် အပ်နှံထားပြီး စုံစမ်းစစ်ဆေးလျက်ရှိကြောင်း မြို့နယ်ရဲတပ်ဖွဲ့မှူးရုံးထံမှ သိရသည်။