ရခိုင်ပဋိပက္ခကြောင့် ရင်းနှီးမြှုပ်နှံမှုလုပ်ငန်းများ ဝင်ရောက်ရန် နှောင့်နှေးဟု NLD ဆို
ယခု ၂၀၁၇- ၁၈ ဘဏ္ဍာနှစ်သည် ရင်းနှီးမြှုပ်နှံမှုများ အလုံးအရင်းနှင့် ဝင်ရောက်လာမည်ဟု မျှော်မှန်းထားသော်လည်း ရခိုင်ပဋိပက္ခ ဖြစ်သွားသည့်အတွက်ကြောင့် ရင်းနှီးမြှုပ်နှံမှုလုပ်ငန်းများ ဝင်ရောက်ရန် နှောင့်နှေးသွားကြောင်း အမျိုးသား ဒီမိုကရေစီအဖွဲ့ချုပ် (NLD) ပါတီ၏ ဗဟိုစီးပွားရေး ကော်မတီအဖွဲ့ဝင် ဦးရဲမင်းဦးက ပြောကြားသည်။
ရန်ကုန်၊ နိုဝင်ဘာ ၉
ယခု ၂၀၁၇- ၁၈ ဘဏ္ဍာနှစ်သည် ရင်းနှီးမြှုပ်နှံမှုများ အလုံးအရင်းနှင့် ဝင်ရောက်လာမည်ဟု မျှော်မှန်းထားသော်လည်း ရခိုင်ပဋိပက္ခ ဖြစ်သွားသည့်အတွက်ကြောင့် ရင်းနှီးမြှုပ်နှံမှုလုပ်ငန်းများ ဝင်ရောက်ရန် နှောင့်နှေးသွားကြောင်း အမျိုးသား ဒီမိုကရေစီအဖွဲ့ချုပ် (NLD) ပါတီ၏ ဗဟိုစီးပွားရေး ကော်မတီအဖွဲ့ဝင် ဦးရဲမင်းဦးက ပြောကြားသည်။
“ဒီနှစ်ဆိုရင် သိသာလိမ့်မယ်။ ရင်းနှီးမြှုပ်နှံမှု မပြောနဲ့။ ငပလီဟိုတယ်တွေတောင် တည်းမယ့်သူတွေ မလာရဲကြဘူး။ ရခိုင်မြောက်ပိုင်းမှာ ဖြစ်တာလေး တစ်ခုတည်းနဲ့ မီဒီယာတွေက ဖော်ပြကြတော့ တည်းမယ့်သူလည်း ကြောက်တယ်။ ရင်းနှီးမြှုပ်နှံမယ့်သူလည်း ကြောက်တယ်”ဟု ၎င်းကပြောဆိုသည်။
ယခုဘဏ္ဍာနှစ်တွင် စီးပွားရေး အရှိန်အဟုန်နှင့် ကောင်းလာမည်ဟု မျှော်မှန်းထားသော်လည်း ပြဿနာများနှင့် ကြုံခဲ့ရသည့်အတွက် လာမည့်နှစ်ကို ဆက်လက်၍ ကြိုးစားရမည်ဖြစ်ကြောင်း ဦးရဲမင်းဦးက ဆက်လက် ပြောကြားသည်။
ရခိုင်ကိစ္စကြောင့် ပြည်ပသာမက ပြည်တွင်း လုပ်ငန်းရှင်များကလည်း ရင်းနှီးမြှုပ်နှံရန် ကြောက်ရွံ့နေကြသည့်အတွက် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဘဏ်လုပ်ငန်းရှင်များနှင့် တွေ့ဆုံခြင်း စီးပွားရေးလုပ်ငန်းရှင်များနှင့် တွေ့ဆုံခြင်းတို့ ပြုလုပ်ကာ အစိုးရကို မကြောက်ရွံ့စေရန် ရင်းရင်းနှီးနှီး တွေ့ဆုံနေခြင်းဖြစ်ကြောင်း ၎င်းက ဆိုသည်။
NLD အစိုးရအနေနှင့် စီးပွားရေး မူဝါဒ ၁၂ ချက်ကို ချမှတ်ခဲ့ပြီး ယင်းအချက်များထဲမှ လယ်ယာစိုက်ပျိုးရေးနှင့် ဘဏ္ဍာရေးဆိုင်ရာ ပြုပြင်ပြောင်းလဲမှုများကို အဓိက လုပ်နေပြီး အခြားသော ကဏ္ဍများကိုလည်း ဆက်လက် ဆောင်ရွက်နေကာ လက်ရှိစီးပွားရေး အနေအထား မြင့်တက်မှု နှေးနေခြင်းမှာလည်း ယခင်နှစ်များစွာက နှေးလာခဲ့သည်ကို ချက်ချင်း ပြုပြင်ပြောင်းလဲရန် အခက်အခဲများ ရှိနေခြင်းကြောင့်ဖြစ်ကြောင်း NLD ဗဟိုစီးပွားရေးကော်မတီအဖွဲ့ဝင် ဦးရဲမင်းဦးက ပြောဆိုသည်။
လက်ရှိအစိုးရလက်ထက်တွင် နိုင်ငံခြား ရင်းနှီးမြှုပ်နှံမှုများ ကောင်းလာမည်ဟု ပြည်သူများက မျှော်လင့်ထားကြသော်လည်း အစိုးရသက်တမ်း ၂ နှစ် ပြည့်သည်အထိ စီးပွားရေးလုပ်ငန်းများမှာ သိသိသာသာ တိုးတက်လာခြင်း မရှိကြောင်း အိမ်၊ ခြံ၊ မြေ အကျိုးဆောင် ဦးသိန်းနိုင်က ပြောကြားသည်။
“နိုင်ငံခြားသားတွေရဲ့ အိမ်ငှားရမ်းမှုတွေက သိသိသာသာ ထိုးဆင်းတယ်။ အိမ်၊ ခြံ၊ မြေဈေးတွေလည်း ကမောက်ကမတွေဖြစ်တယ်။ ကားဘက်ကိုကြည့်ရင်လည်း ကားဈေးတွေက တက်လာတယ်။ ကုန်ဈေးနှုန်းကို ကြည့်ရင်လည်း တက်လာတာပဲ။ စီးပွားရေးလုပ်ငန်း အများစုက တော်တော် အခြေအနေ မကောင်းကြတာ”ဟု ၎င်းက မှတ်ချက်ပေး ပြောဆိုသည်။
ထို့ပြင် မြန်မာနိုင်ငံ ရင်းနှီးမြှုပ်နှံမှု ကော်မရှင်က အောက်တိုဘာလအတွင်း လုပ်ကိုင်ခွင့်ပြုခဲ့သည့် လုပ်ငန်းများမှာလည်း ငါးခုသာရှိကြောင်း ယင်းကော်မရှင်ထံမှ သိရသည်။
ယခုဘဏ္ဍာနှစ် နှစ်ဝက်ကာလအတွင်း နိုင်ငံခြား ရင်းနှီးမြှုပ်နှံမှု ပမာဏမှာ အမေရိကန်ဒေါ်လာ လေးဘီလီယံကျော် ဝင်ရောက်ခဲ့ကြောင်း ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီး ဌာနထံမှ သိရသည်။
Comments